2வது திருமண நாளை கொண்டாடும் வில்லியம், கேட்

லண்டன்: இங்கிலாந்து இளவரசர் வில்லியம் தனது காதலி கேட் மிடில்டன்னை மணந்து இன்றுடன் 2 ஆண்டுகள் நிறைவடைந்துள்ளன. இங்கிலாாந்து இளவரசர் வில்லியம் தனது நீண்ட நாள் காதலியான கேட் மிடில்டன்னை கடந்த 2011ம் ஆண்டு ஏப்ரல் 29ம் தேதி லண்டனில் மணந்தார். 

அவர்கள் திருமணத்தை உலகம் முழுவதும் உள்ள கோடிக் கணக்கான மக்கள் தொலைக்காட்சியில் கண்டு ரசித்தனர். டயானாவுக்கு அடுத்தபடியாக அழகான இளவரசி கேட் என்று மக்கள் கூறுகின்றனர். அவரின் உடை அலங்காரம் மக்களை பெரிதும் கவர்ந்துள்ளது.

கேட் தற்போது கர்ப்பமாக உள்ளார். அவருக்கு பிறக்கும் குழந்தையைப் பார்க்க உலகமே ஆவலாக காத்துக் கொண்டிருக்கிறது.

கேட் ஜூலை மாதம் குழந்தையை பெற்றெடுக்கவுள்ளார் என்று அரண்மனை செய்திகள் தெரிவித்துள்ளன. ஆண் குழந்தை பிறந்தால் அதற்கு பிலிப் என்று பெயர் வைக்க முடிவு செய்துள்ளனர்.

Share this: