இந்த நிறுவனம் மிஷன் ஆர்எஸ் என்ற பெயரில் சிறப்பு பதிப்பு எலக்ட்ரிக் சூப்பர் பைக் ஒன்றை விற்பனைக்கு கொண்டு வந்து இருக்கிறது.
இதுதவிர, மிஷன் ஆர் என்ற பெயரில் சாதாரண மாடலையும் அறிமுகம் செய்துள்ளது. இந்த புதிய எலக்ட்ரிக் சூப்பர் பைக்கின் வேகம், பெர்ஃபார்மென்ஸ் ஆகிய அனைத்தும், சாதாரண சூப்பர் பைக்குகளுக்கு சற்றும் சளைத்ததல்ல என்பதை காட்டுவதாக இருக்கின்றன.
ரேஸ் டிராக்கில் ஓட்டுவதற்கான அம்சங்கள் கொண்ட இந்த பைக்கை சாதாரண சாலைகளிலும் ஓட்டலாம். இந்த பைக், தனது எலக்ட்ரிக் மோட்டாரில் பராக்கிரமத்தை பரைசாற்றுதோடு, பல புதிய தொழில்நுட்ப வசதிகளையும் வழங்கிறது. அதுபற்றிய கூடுதல் தகவல்களை காணலாம்.
இந்த சூப்பர் பைக்கில் 17 kWh பேட்டரி பொருத்தப்பட்டு இருக்கிறது. மிஷன் ஆர்எஸ் சூப்பர் பைக்கின் எலக்ட்ரிக் மோட்டார் 160 எச்பி ஆற்றலை வெளிப்படுத்தும் திறன் கொண்டது. இந்த சூப்பர் பைக் 0-100 கிமீ வேகத்தை 3 வினாடிகளில் எட்டிவிடும்.
சோதனை நிலைகளில் இந்த சூப்பர் பைக் மணிக்கு 241 கிமீ வேகம் வரை எட்டிப் பிடிக்கும். ஆனால், சாதாரண சாலை நிலைகளில் இந்த பைக்கில் 225 கிமீ வேகம் வரை செல்லலாம் என மிஷன் தெரிவித்துள்ளது.
ஒருமுறை சார்ஜ் செய்தால் 320 கிமீ தூரம் வரை செல்ல முடியும் என மிஷன் தெரிவித்துள்ளது.
இதுவரை வந்த மோட்டார்சைக்கிள்களில் இல்லாத புதிய வசதிகளை இந்த பைக் கொண்டுள்ளது. அதாவது, கார்களில் உள்ளது போன்ற டிஸ்ப்ளே யூனிட் ஒன்று பொருத்தப்பட்டு உள்ளது. இந்த டிஸ்ப்ளே யூனிட்டில் 4 ஜி இணைப்பை கொடுத்து கூகுள் மேப் வசதியை பெறலாம். இதுதவிர, ஸ்மார்ட்போன்களையும் புளுடூத் மூலம் இணைக்க முடியும்.
பைக்கின் முன்புறம் உயர்தர துல்லியம் கொண்ட கேமரா ஒன்றும் பொருத்தப்பட்டுள்ளது. இந்த பைக்கில் கார் போன்றே ரிவர்ஸ் எடுக்க முடியும். தள்ள வேண்டிய அவசியம் இருக்காது.
இந்த பைக்கில் கார்பன் ஃபைபரான் ஆன சக்கரங்கள் பொருத்தப்பட்டுள்ளன. ரேஸ் பேக்குகளில் பொருத்தப்படும் ஓலின்ஸ் சஸ்பென்ஷனுடன் கிடைக்கிறது.
மொத்தம் 40 மிஷன் ஆர்எஸ் எலக்ட்ரிக் சூப்பர் பைக்குகள் மட்டுமே விற்பனை செய்யப்பட உள்ளன.
ரூ.50 லட்சம் விலையில் இந்த சிறப்பு பதிப்பு மிஷன் ஆர்எஸ் எலக்ட்ரிக் சூப்பர் பைக்குகள் கிடைக்கும்.
BY: Global Technology Solutions and Innovations
